ومن يومه قليل البخت
يا عينى ع اللى ثار ولا طالش
لا انا مجنون ولا لبخت
تقول ازاى اقول معرفش
يا دم ومنسى بالساهل
وعين حرموها شكل الضى
يقولوا عميل ويستاهل
ولو حتى الرصاص الحى
ما ده شعبك رضى بالذل
لا تتعصب ولا تفكرش
يا عينى ع اللى ثار ولا طالش
يا زغرودة قطمها رصاص
يا ثورة بشعبها اتقتلت
يا كام حد اندفن وخلاص
يا ضرخة ب اهلها اتسحلت
يا ليل والصبح لسه بعيد
يا عصفور اندبح فالعش
يا عينى ع اللى ثار وما طالش
يكون شاطر يكون خايب
يكون دستور يكون عسكر
يكون مربوط يكون سايب
يكون احلام بتتكسّر
ماهيش فارقة يا مصر كتير
ما دام المصرى ما بيفرقش
ياعينى ع اللى ثار وما طالش
موضوع: من يومة قليل البخت 
السبت 12 مايو - 18:00
